• en
IPO

Арилжааны тайлан

Индекс

44588.12

( -14.79 -0.03% )
Индекс Нэгж Өөрчлөлт
Top 20 Индекс 44588.12 -14.79
MSE A Индекс 17799.25 48.07
MSE B Индекс 12179.76 183.21

Мэдээ мэдээлэл

"БИЧИЛ ЭЙ БИ ЭС ЛОЯЛТИ ТЗК"-ИЙН БИЧИЛ 3.0 ХБҮЦ-НЫ АНХДАГЧ ЗАХ ЗЭЭЛИЙН АРИЛЖААГ 2024 ОНЫ 04 ДҮГЭЭР САРЫН 02-НЫ ӨДӨР ЭХЛҮҮЛНЭ

2024-03-28 17:46:12

24 сарын хугацаатай, жилийн 18.5 хувийн хүүтэй, нэг бүр нь 100,000 /нэг зуун мянга/ төгрөгийн нэрлэсэн үнэ бүхий 200,000 /хоёр зуун мянга/ ширхэг хөрөнгөөр баталгаажсан үнэт цаасны анхдагч зах зээлийн арилжааг 2024.04.02-ны өдрөөс 2024.04.08-ны өдрийг дуустал Монголын хөрөнгийн биржийн IPO системээр дамжуулж хүлээн авна.

3-Р САРЫН 28-НЫ ӨДРИЙН АРИЛЖААНЫ МЭДЭЭ

2024-03-28 17:31:36

Энэ өдөр нийт 46,923,381,095 төгрөгийн үнийн дүн бүхий арилжаа зохион байгууллаа.

ОЮУТАН, СУРАГЧДАД ЗОРИУЛСАН НЭЭЛТТЭЙ ӨДӨРЛӨГ БОЛЛОО

2024-03-28 14:56:53

Оюутан, сурагчдад МХБ-ийн Бизнес хөгжлийн газрын захирал Т.Хаш-Эрдэнэ Монголын хөрөнгийн зах зээлийн хөгжил, өнөөгийн байдлын талаар дэлгэрэнгүй мэдээлэл өгч, чөлөөт ярилцлагаар сонирхон асуултуудад хариулт өгсөн юм.

Мэдээ мэдээлэл

“ГОВЬ” ХК ХАГАС ЖИЛИЙН ТАЙЛАНГАА ТАНИЛЦУУЛЛАА

2017-08-30 17:36:18

Монголын хөрөнгийн биржийн 1-р ангилалд бүртгэлтэй "Говь" ХК 2017 оны эхний хагас жилийн санхүү, үйл ажиллагааны тайлангаа Монголын хөрөнгийн бирж дээр 2017 оны 8 дугаар сарын 30-ны өдөр олон нийтэд нээлттэй танилцууллаа. 

“Говь” ХК нь 100% ноолууран пальтоны үйлдвэрлэл болон борлуулалтаараа Дэлхийд №1 болох зорилт тавин ажиллаж байгаа бөгөөд тайлант хугацаанд борлуулалтын орлого нь өмнөх оны мөн үеэс 35 хувиар өсч 33.9 тэрбум төгрөгт, цэвэр ашиг 7 хувиар өсч 3.4 тэрбум төгрөгт тус тус хүрсэн үзүүлэлттэй байна. 

Тайлант хугацаанд тус компанийн үйл ажиллагаанд дараах онцлох үйл явдлууд гарсан байна. Үүнд:

  • Эрээн болон Брюссель хотуудад нэрийн дэлгүүрээ амжилттай нээж, гадаад зах зээлээ тэлэв.
  • Өөрийн онлайн худалдааны сайттай (www.gobicashmere.com) болсон бөгөөд дэлхийн хаанаас ч “Говь” брэндийн бүтээгдэхүүнийг худалдан авах боломжтой болов. 
  • Оёмолын шинэ үйлдвэрийн нээлтээ хийж, оёмолын нийт хоёр үйлдвэртэй болсноор жилд 100,000 ширхэг ноолууран пальто үйлдвэрлэх хүчин чадалтай болов.
  • Монгол улсын Ерөнхийлөгчийн тамгын газраас “Үндэсний бүтээн байгуулалтын дээд шагнал-Төрийн гэрэгэ” шагналыг хүртэв.
  • 6 сарын 14-ний өдөр үйлдвэрийн дээвэрт гүйцэтгэгч компани нөхөн засварын ажил хийх явцад гэнэтийн галын аюул тохиолдсон ч, ОБЕГ, УСУГ зэрэг ЗГ-ын харьяа байгууллагууд, харилцагч, хамтран ажиллагч байгууллагууд болон нийт ажилтнуудынхаа хамтын хүчээр арван хоногийн дотор буюу 6-р сарын 24-нд үйлдвэрийн хэвийн үйл ажиллагаагаа эхлүүлж чадсан байна.

"Говь" ХК нь цаашид гадаад зах зээл дээрх “Говь” брэндийн нэрийн дэлгүүр болон франчайзингийн стратегийг газар зүйн бүс болон зах зээл бүрийн онцлогт тохируулан боловсруулан хэрэгжүүлж, 2021 он гэхэд гадаад зах зээл дэх дэлгүүрийн тоог 100-д хүргэж, өөрийн нэрийн 20 дэлгүүртэй болохыг зорин ажиллаж байгаа бөгөөд хувьцаа эзэмшигч нартаа хандан компанийнхаа үйл ажиллагааны талаар үнэн бодит мэдээллийг цаг алдалгүй түгээж, мэдээллийн ил тод байдлыг ханган ажиллахаа мэдэгдэв.

Дэлгэрэнгүй танилцуулгыг Энд дарж үзнэ үү.

МОНГОЛЫН ХӨРӨНГИЙН БИРЖ