2024 оны 11 дүгээр сарын 28-ны өдөр энгийн арилжаагаар 47 хувьцаат компанийн 418,382,528 төгрөгийн үнийн дүн бүхий 840,702 ширхэг хувьцаа арилжаалагдсанаас 23 компанийн хувьцааны ханш өсч, 15 компанийн хувьцааны ханш буурсан бол 9 компанийн ханш тогтвортой байлаа.

Үүнээс Жуулчин говь ХК (JGV +14.98%), Хархорин ХК (HHN +14.91%), Махимпекс ХК (MMX +9.43%) зэрэг компаниудын хувьцааны ханш хамгийн өндөр өсөлттэй байсан бол Хүрд XK (HRD -14.96%), Монложистикс Холдинг ХК (MLG -5.06%), Улсын их дэлгүүр ХК (UID -3.40%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 763,925 ширхэг нэгж эрх 689,181,100 төгрөгөөр,

• Компанийн бондын хоёрдогч зах зээлийн арилжаагаар нийт 1,534 ширхэг үнэт цаас 153,400 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Саусгоби даймонд" ХХК-ийн 1 багц 6,400 тонн баяжуулсан дунд зэрэг үнслэгтэй, сул коксжих нүүрс 448,000 ам.доллар буюу 1,530,896,640 төгрөгөөр,

• "Хангад Эксплорэйшн" ХХК-ийн 2 багц 12,800 тонн баяжуулсан сул коксжих нүүрс 10,880,000 юань буюу  5,128,723,200 төгрөгөөр тус тус арилжигдсан байна.

Энэ өдөр нийт 7,767,336,868 төгрөгийн үнийн дүн бүхий арилжаа зохион байгуулав. 

ТOП-20 индекс 0.74% хувиар өсч, 49,471.75 нэгж болсон бол зах зээлийн үнэлгээ 12,547,282,042,841 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ