2024 оны 12 дугаар сарын 19-ний өдөр энгийн арилжаагаар 47 хувьцаат компанийн 640,983,560 төгрөгийн үнийн дүн бүхий 769,419 ширхэг хувьцаа арилжаалагдсанаас 22 компанийн хувьцааны ханш өсч, 18 компанийн хувьцааны ханш буурсан бол 7 компанийн ханш тогтвортой байлаа.

Үүнээс Багануур ХК (BAN +11.91%), Крипто Үндэстэн ХК (CNF +9.46%), Премиум Нэксус ХК (CUMN +5.13%) зэрэг компаниудын хувьцааны ханш хамгийн өндөр өсөлттэй байсан бол Эрдэнэс сольюшинс ХК (AMT -12.45%), Худалдаа Хөгжлийн банк (TDB -6.17%), Эрдэнэ Ресурс Девелопмент Корпорэйшн (ERDN -5.00% )-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 76,380 ширхэг нэгж эрх 70,122,299 төгрөгөөр,

• Хөрөнгөөр баталгаажсан 220 ширхэг үнэт цаас 16,469,200 төгрөгөөр,

• Компанийн бондын хоёрдогч зах зээлийн арилжаагаар 5,179 ширхэг үнэт цаас 517,900,000 төгрөгөөр,

• Компанийн бондын хоёрдогч зах зээлийн арилжаагаар 23,000 ширхэг үнэт цаас 2,300,000 доллар (7,861,193,000 МНТ)-аар,

• Багцын арилжаагаар нийт 5,907,233 ширхэг үнэт цаас 699,660,965 төгрөгөөр арилжигдсан тус тус арилжигдсан байна.

Уул уурхайн бүтээгдэхүүний арилжаагаар:

• “Монголросцветмет” ТӨҮГ-ын 6 багц 19,800 тонн 65%-ийн агууламжтай төмрийн баяжмал 1,683,000 доллар буюу 5,752,342,530 төгрөгөөр,

• “Монголросцветмет” ТӨҮГ-ын 4 багц 13,200 тонн 52%-ийн агууламжтай төмрийн хүдэр 838,200 доллар буюу 2,864,892,162 төгрөгөөр тус тус арилжигдсан байна.

Энэ өдөр нийт 18,423,563,806 төгрөгийн үнийн дүн бүхий арилжаа зохион байгуулав. 

ТOП-20 индекс 0.13% хувиар буурч, 50,213.57 нэгж болсон бол зах зээлийн үнэлгээ 12,824,045,479,586 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ