2024 оны 12 дугаар сарын 30-ны өдөр энгийн арилжаагаар 50 хувьцаат компанийн 629,497,206 төгрөгийн үнийн дүн бүхий 1,779,297 ширхэг хувьцаа арилжаалагдсанаас 19 компанийн хувьцааны ханш өсч, 21 компанийн хувьцааны ханш буурсан бол 10 компанийн ханш тогтвортой байлаа.

Үүнээс Крипто Үндэстэн ХК (CNF +13.27%), Монгол шуудан ХК (MNP +12.59%), Хорин хоёрдугаар бааз ХК (AHH +10.56%) зэрэг компаниудын хувьцааны ханш хамгийн өндөр өсөлттэй байсан бол Глобал монголиа холдингс ХК (HML -13.22%), Талх чихэр ХК (TCK -8.77%), Улсын их дэлгүүр ХК (UID -8.10%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 90,760 ширхэг нэгж эрх 11,308,373 төгрөгөөр,

• Хөрөнгөөр баталгаажсан 4,572 ширхэг үнэт цаас 280,650,000 төгрөгөөр,

• Компанийн бондын хоёрдогч зах зээлийн арилжаагаар 50 ширхэг үнэт цаас 5,100,000 төгрөгөөр,

• Компанийн бондын хоёрдогч зах зээлийн арилжаанд нийт 20 ширхэг үнэт цаас 2,000 доллар (6,840,180 МНТ)-аар тус тус арилжигдсан байна.

Уул уурхайн бүтээгдэхүүний арилжаагаар:

• "Монголросцветмет" ТӨҮГ-ын 2 багц 6,600 тонн 52%-ийн агууламжтай төмрийн хүдэр 396,000 доллар буюу 1,354,355,640 төгрөгөөр,

• "Дарханы төмөрлөгийн үйлдвэр" ХХК-ийн 18 багц 59,400 тонн 58%-ийн агууламжтай төмрийн баяжмал 3,326,400 доллар буюу 11,376,587,376 төгрөгөөр тус тус арилжигдсан байна.

Энэ өдөр нийт 13,664,338,775 төгрөгийн үнийн дүн бүхий арилжаа зохион байгуулав. 

ТOП-20 индекс 0.22% хувиар өсч, 50,978.09 нэгж болсон бол зах зээлийн үнэлгээ 12,803,277,741,760 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ