“Хас банк" ХК-ийн Төлөөлөн Удирдах Зөвлөлийн 2024 оны 02 дугаар сарын 19-ний өдрийн №R-2024-02 тоот тогтоолоор компанийн 2023 оны аудитлагдсан санхүүгийн тайлангийн үр дүнгээс шалтгаалан ногдол ашигт нийт 26,580,675,000.00 (хорин зургаан тэрбум таван зуун наян сая зургаан зуун далан таван мянга) төгрөгийг хувьцаа эзэмшигчдэдээ олгохоор шийдвэрлэсэн байна.
Нэгж хувьцаанд 25.25 (хорин таван төгрөг хорин таван мөнгө) төгрөгөөр тооцож ногдол ашгийг хуваарилна.
Ногдол ашиг авах эрхтэй хувьцаа эзэмшигчдийн нэрсийн жагсаалт гаргах өдрийг 2024 оны хувьцаа эзэмшигчдийн хурлын бүртгэлийн өдрөөр тогтоож, ногдол ашгийг Монгол банкны зөвшөөрлийг хүлээн авсан өдөр, эсхүл хувьцаа эзэмшигчдийн хурлаар баталсан өдрийн аль сүүлийн өдрөөс хойш 7 хоногоос хэтрүүлэхгүйгээр "ҮЦТХТ" ХХК-иар дамжуулан олгохоо мэдэгдлээ.
Хас банк нь 2023 оны эхний хагас жилийн ногдол ашгийг оролцуулан тооцвол тус онд хувьцаа эзэмшигчдэдээ нэгж хувьцаанд 40 төгрөг буюу нийт 42.1 тэрбум төгрөгийн ногдол ашиг хуваарилж байгаа ажээ.
МОНГОЛЫН ХӨРӨНГИЙН БИРЖ