2025 оны 02 дугаар сарын 7-ны өдөр энгийн арилжаагаар 52 хувьцаат компанийн 614,966,934 төгрөгийн үнийн дүн бүхий 1,909,489 ширхэг хувьцаа арилжаалагдсанаас 26 компанийн хувьцааны ханш өсч, 20 компанийн хувьцааны ханш буурсан бол 6 компанийн ханш тогтвортой байлаа.

Үүнээс Сор ХК (SOR +14.58%), Шивээ овоо ХК (SHV +12.91%), Хөх ган ХК (HGN +7.27%) зэрэг компаниудын хувьцааны ханш хамгийн өндөр өсөлттэй байсан бол Багануур ХК (BAN -9.92%), Улсын их дэлгүүр ХК (UID -5.61%), Махимпекс XK (MMX -4.69%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 32,275 ширхэг нэгж эрх 23,294,238 төгрөгөөр,

• Багцын арилжаагаар 147,034 ширхэг үнэт цаас 1,116,723,230 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Дарханы Төмөрлөгийн Үйлдвэр" ХХК-ийн 36 багц 118,800 тонн 58%-ийн агууламжтай төмрийн баяжмал 7,009,200 ам.доллар буюу 24,214,893,516 төгрөгөөр арилжигдсан байна.

• "Монголросцветмет" ТӨҮГ-ын 2 багц 6,600 тонн 52%-ийн агууламжтай төмрийн хүдэр 435,600 ам. доллар буюу 1,504,880,388 төгрөгөөр тус тус арилжигдсан байна.

Энэ өдөр нийт 27,474,758,306 төгрөгийн үнийн дүн бүхий арилжаа зохион байгуулав. 

ТOП-20 индекс 0.35% хувиар өсч, 52,610.53 нэгж болсон бол зах зээлийн үнэлгээ 13,286,334,505,139.30 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ