2025 оны 03 дугаар сарын 11-ний өдөр энгийн арилжаагаар 47 хувьцаат компанийн 343,492,642 төгрөгийн үнийн дүн бүхий 848,669 ширхэг хувьцаа арилжаалагдсанаас 20 компанийн хувьцааны ханш өсч, 23 компанийн хувьцааны ханш буурсан бол 4 компанийн ханш тогтвортой байлаа.

Үүнээс Гурил тэжээл Булган ХК (GTJ +15.00%), Атар-Өргөө ХК (ATR +13.86%), Хөх ган ХК (HGN +5.08%) зэрэг компаниудын хувьцааны ханш хамгийн өндөр өсөлттэй байсан бол Баянтээг ХК (BTG -14.92%), Ариг гал ХК (EER -6.39%), Монноос ХК (MNS -6.25%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 7,518 ширхэг нэгж эрх 1,847,863 төгрөгөөр,

• Хөрөнгөөр баталгаажсан 326 ширхэг үнэт цаас 16,300,000 төгрөгөөр,

• Компанийн бондын хоёрдогч зах зээлийн арилжаагаар 2,986 ширхэг үнэт цаас 300,093,000 төгрөгөөр,

• Компанийн бондын хоёрдогч зах зээлийн арилжаагаар 20 ширхэг үнэт цаас 2,000 доллароор тус тус арилжигдсан байна.

Уул уурхайн бүтээгдэхүүний арилжаагаар:

• "Хангад Эксплорэйшн" ХХК-ийн 4 багц 25,600 тонн баяжуулсан коксжих чанаргүй нүүрс 9,216,000 юань буюу 4,399,626,240 төгрөгөөр,

• "Монголросцветмет" ТӨҮГ-ын 2 багц 6,600 тонн 52%-ийн агууламжтай төмрийн хүдэр 435,600 доллар буюу 1,510,599,816 төгрөгөөр тус тус арилжигдсан байна.

Энэ өдөр нийт 6,578,895,281 төгрөгийн үнийн дүн бүхий арилжаа зохион байгуулав. 

ТOП-20 индекс 0.37% хувиар буурч, 51,726.22 нэгж болсон бол зах зээлийн үнэлгээ 13,405,060,570,212 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ