Монгол Улсын Их Хурлын гишүүн, Засгийн газрын гишүүн, Сангийн сайд Б.Жавхлан “Монголын хөрөнгийн бирж” ХК-иас зохион байгуулсан Уул уурхайн бүтээгдэхүүний арилжааг идэвхжүүлэх зорилгоор шинэчлэн баталсан журмуудын өөрчлөлтийн талаарх өргөтгөсөн уулзалт, хэлэлцүүлэгт оролцохдоо “Уул уурхайн бүтээгдэхүүнийг биржийн арилжааны холбогдох талуудтай нэмэлт уулзалт зохион байгуулж, дахин санал хүсэлтүүдийг сонсох, эрэмбэлэх чиглэл өгсөн юм.

Тус  чиглэлийн дагуу өчигдөр (2025.03.27) “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн, Уул уурхайн бүтээгдэхүүний арилжаа, бүртгэлийн газрын захирлын үүргийг түр орлон гүйцэтгэгч С.Ариунсанаа болон “Эрдэнэс Тавантолгой” ХК, Эрдэнэс Монгол нэгдлийн холбогдох нэгжээс уул уурхайн бүтээгдэхүүний худалдан авагч 16 компанийн төлөөллийг хүлээн авч уулзлаа.

Уулзалт цахим, танхим хосолсон хэлбэрээр зохион байгуулагдсан ба худалдан авагчдын санал хүсэлтийг хүлээн авч, дараагийн шатанд танилцуулах зорилготой үйл явц үргэлжилж байна.

МОНГОЛЫН ХӨРӨНГИЙН БИРЖ