Санхүүгийн зохицуулах хороо, “Монголын хөрөнгийн бирж” ХК, After school платформ хамтран өнөөдөр (2025-04-04) “Сургуулийн дараа-Өсч хөгжих цаг” үйл ажиллагааг Налайх дүүрэгт амжилттай зохион байгууллаа.

Энэхүү үйл ажиллагааг ахлах ангийн сурагчдын хувь хүний хөгжлийг дэмжих, өсч хөгжих боломжууд, зөөлөн ур чадварыг нэмэгдүүлэхэд чиглүүлж санхүү, хөрөнгө оруулалтын мэдлэг олгох, эрсдэл ба ногоон даатгалын сэдвүүдээр сонирхолтой илтгэлүүд танилцуулсан юм.

Энэ үеэр “Монголын хөрөнгийн бирж” ХК-ийн Бизнес хөгжлийн газрын ахлах мэргэжилтэн П.Нямдорж “Хөрөнгө оруулалт ба хөрөнгийн зах зээлийн үндсэн ойлголт” сэдвээр сургалт орлоо.

Өнөөдрийн үйл ажиллагаанд Налайх дүүргийн 3 сургуулийн ахлах ангийн 100 гаруй сурагчид хамрагдлаа.

МОНГОЛЫН ХӨРӨНГИЙН БИРЖ