2025 оны 05 дугаар сарын 23-ны өдөр энгийн арилжаагаар 36 хувьцаат компанийн 339,567,034 төгрөгийн үнийн дүн бүхий 543,456 ширхэг хувьцаа арилжаалагдсанаас 18 компанийн хувьцааны ханш өсч, 12 компанийн хувьцааны ханш буурсан бол 6 компанийн ханш тогтвортой байлаа.

Үүнээс Хишиг уул ХК (HSX +15.00%), Орхон хөгжил ХК (HJL +14.98%), Авто импекс ХК (AOI +14.96%) зэрэг компаниудын хувьцааны ханш хамгийн өндөр өсөлттэй байсан бол Бодь Даатгал ХК (BODI -12.55%), Монложистикс Холдинг ХК (MLG -6.62%), Монгол алт ХК (ERS -2.39%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 11,132 ширхэг нэгж эрх 6,651,025 төгрөгөөр,

• Хөрөнгөөр баталгаажсан 490 ширхэг үнэт цаас 47,910,700 төгрөгөөр,

• Компанийн бондын хоёрдогч зах зээлийн арилжаагаар 90 ширхэг үнэт цаас 9,000,000 төгрөгөөр,

• Компанийн бондын хоёрдогч зах зээлийн арилжаагаар 50 ширхэг үнэт цаас 5,000 ам.доллар (17,868,200 МНТ)-оор тус тус арилжигдсан байна.

Уул уурхайн бүтээгдэхүүний арилжаагаар:

• Эрдэнэс Критикал Минералс ТӨҮГ “Монголросцветмет” ТӨҮГ-ын 2 багц 6,600 тонн 52%-ийн агууламжтай төмрийн хүдэр 429,000 ам.доллар буюу 1,533,091,560 төгрөгөөр, 

• "Хангад Эксплорэйшн" ХХК-ийн 2 багц 12,800 тонн баяжуулсан сул коксжих нүүрс 7,744,000 юань буюу 3,841,024,000 төгрөгөөр арилжигдсан байна. 

Энэ өдөр нийт 5,795,112,519 төгрөгийн үнийн дүн бүхий арилжаа зохион байгуулав. 

ТOП-20 индекс 2.15 нэгжээр өсч, 49,554.98 нэгж болсон бол зах зээлийн үнэлгээ 12,365,431,436,378 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ