“Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгч Б.Дөлгөөн өнөөдөр (2025.06.05) биржийн “MSE hall”-д зохион байгуулагдсан өглөөний уулзалтаар “Олон улс ба Монголын эдийн засаг, инфляцын таамаглал” сэдвийн хүрээнд зочдод мэдээлэл өглөө.

Тухайлбал:

• Глобал эдийн засгийн өнөөдөр ба хэтийн төлөв

• Бараа таваар, уул уурхайн бүтээгдэхүүний үнэ болон төсөөлөл

• Цаашдын эрсдэл

• Монголын макро эдийн засгийн орчин

• Макро эдийн засаг өрх гэрт хэрхэн нөлөөлж байгаа талаарх мэдээллийг олон улс ба Монголд гэсэн харьцуулалтаар тоймлон хүргэсэн юм.

Тэрээр сүүлийн саруудад АНУ, БНХАУ-д томилолтоор ажилласан үеийнхээ мэдээлэл судалгаанд үндэслэсэн цар тахлын дараах үе, “Трамп тариф”-аас үүдэлтэй олон улсын эдийн засагт гарч буй өөрчлөлт шинэчлэлтүүд, ирээдүйд улс оронд тулгарч болзошгүй сорилтууд, уул уурхайн бүтээгдэхүүний экспортын орлогыг нэмэгдүүлэх эрэлхийлэл, шийдэлтэй холбоотой дүгнэлтээ хуваалцлаа.

МОНГОЛЫН ХӨРӨНГИЙН БИРЖ