Санхүүгийн зохицуулах хороо, “Монголын хөрөнгийн бирж” ХК болон Стратегийн зөвлөх үйлчилгээний “Капитал Маркетс Монгол” (CMM) компани хамтран өнөөдөр (2025.06.16) биржийн “MSE hall”-д Хөрөнгийн зах зээлийн засаглалын зөвлөгөөн (Capital Markets Governance Workshop) зохион байгууллаа.
Тус арга хэмжээнд:
-
Санхүүгийн зохицуулах хорооны Компанийн засаглал, комплайнсын хэлтсийн дарга А.Авир Компанийн засаглалын кодекс, Хэрэгжилтийн үнэлгээ, ТУЗ-ийн анхаарах зүйл сэдвээр,
-
Санхүүгийн зохицуулах хорооны Хяналт шалгалт, зохицуулалтын газрын ахлах хянан шалгагч Ш.Ганхуяг Хувьцаат компанийн хуулиар хүлээсэн үүрэг, Компанийн тухай хуулийн нийцэл, Кэйс жишээнүүд сэдвээр,
-
“Монголын хөрөнгийн бирж” ХК-ийн Бизнес хөгжил хариуцсан ахлах мэргэжилтэн П.Нямдорж Мэдээллийн ил тод байдлыг хангах нь, Хүндрэлтэй асуудлууд, Үр дагаврууд, Шийдвэрлэх арга замууд сэдвээр,
-
CMM-н гүйцэтгэх захирал Э.Золбаяр Investor Relations-г компанидаа хөгжүүлэх нь, IR-н үндсэн ойлголтууд, IR-н хүрээнд хийгддэг ажлууд, IR-н амжилттай жишээ сэдвийн хүрээнд тус тус мэдээлэл өгсөн юм.
Зөвлөгөөнд Монголын хөрөнгийн биржид бүртгэлтэй компаниудын гүйцэтгэх удирдлагын баг болон ТУЗ-ийн гишүүд оролцож хувьцаат компанийн засаглал, ил тод байдал, хууль тогтоомжийн нийцэл, хөрөнгө оруулагчтай харилцах харилцааны дэлгэрэнгүй мэдээлэл авч, харилцан санал солилцлоо.
МОНГОЛЫН ХӨРӨНГИЙН БИРЖ