2025 оны 07 дугаар сарын 23-ны өдөр энгийн арилжаагаар 44 хувьцаат компанийн 274,542,049 төгрөгийн үнийн дүн бүхий 617,174 ширхэг хувьцаа арилжаалагдсанаас 21 компанийн хувьцааны ханш өсч, 15 компанийн хувьцааны ханш буурсан бол 8 компанийн ханш тогтвортой байлаа.

Үүнээс Блюскай секьюритиз ХК (BSKY +15.00%), Адуун чулуун ХК (ADL +14.63%), Ард санхүүгийн нэгдэл ХК (AARD +5.40%) зэрэг компаниудын хувьцааны ханш хамгийн өндөр өсөлттэй байсан бол Жуулчин говь ХК (JGV -12.50%), Инвескор ББСБ ХК (INV -3.21%), Би ди сек ХК (BDS -2.81%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 975 ширхэг нэгж эрх 391,303 төгрөгөөр,

• Хөрөнгөөр баталгаажсан 12,000 ширхэг үнэт цаас 1,199,280,000 төгрөгөөр,

• Компанийн бондын хоёрдогч зах зээлийн арилжаанд 7 ширхэг үнэт цаас 700 доллар (2,509,773₮)-өөр,

• Багцын арилжаанд нийт 75,338 ширхэг үнэт цаас 693,109,600 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• "Эрдэнэс Тавантолгой" ХК-ийн 5 багц 32,000 тонн 1/3 коксжих нүүрс 2,262,400 ам.доллар буюу 8,111,586,336 төгрөгөөр

• "Эрдэнэс Критикал Минералс" ТӨҮГ-ын 2 багц 6,600 тонн 52% Төмрийн хүдэр 422,400 ам.доллар буюу 1,514,468,736 төгрөгөөр тус тус арилжигдсан. 

Энэ өдөр нийт 11,795,887,797 төгрөгийн үнийн дүн бүхий арилжаа зохион байгуулав. 

ТOП-20 индекс 0.12% хувиар өсч, 49,532.82 нэгж болсон бол зах зээлийн үнэлгээ 12,338,122,312,245 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ