"Инновэйшн Инвестмент" ХК нь хувьцаагаа олон нийтэд санал болгон, 2023 оны 12 дугаар сарын 04-ний өдрөөс 08-ны өдрийн хооронд Монголын хөрөнгийн бирж дээр анхдагч зах зээлийн захиалга авч, 8.3 тэрбум төгрөгийг татан төвлөрүүлсэн билээ.
2025 оны 9 дүгээр сарын 30-ны өдрийн байдлаар "Инновэйшн Инвестмент" ХК-ийн татан төвлөрүүлсэн хөрөнгийн зарцуулалт дараах байдалтай байна. Үүнд:
|
№ |
Хөрөнгө оруулалтын зориулалт |
Эзлэх хувь |
Татан төвлөрүүлсэн мөнгөн дүн |
Зарцуулсан дүн |
|
1 |
Бэлэн бус төлбөрийн зах зээл дээрх үндсэн үйл ажиллагааны тэлэлт |
22.5% |
1,871,991,911 |
139,938,166 |
|
2 |
Дунд хугацааны төлөвлөгөөний дагуу |
30.0% |
2,495,989,215 |
0 |
|
3 |
Техник, тоног төхөөрөмж, мэдээллийн |
15.0% |
1,247,994,608 |
1,190,378,556 |
|
4 |
“KKTT” ХХК-ийн эзэмшиж буй 9,244,458 |
25.0% |
2,080,003,050 |
2,080,003,050 |
|
5 |
Олон улсын зах зээлд үйл ажиллагаа |
7.5% |
623,985,266 |
0 |
|
|
НИЙТ |
100.0% |
8,319,964,050 |
3,410,319,772 |
Тус компани "2023 оны 12 дугаар сард нийт татан төвлөрүүлсэн хөрөнгийн 25% буюу “KKTT” ХХК-ийн эзэмшиж буй 9,244,458 ширхэг энгийн хувьцааны төлбөр болох 2,080,003,050 төгрөгийг зориулалтын дагуу ККТТ ХХК руу шилжүүлсэн.
Мөн 2024 оны 2 дугаар хагас жилээс эхлүүлсэн QPay үйлчилгээний хэрэглээг нэмэгдүүлж, бэлэн бус төлбөрийн зах зээл дээрх үндсэн үйл ажиллагааг өргөжүүлэхтэй холбоотой компанит ажлын хүрээнд нийт 139,938,166 төгрөгийн зарцуулалт хийсэн байна. Үүнийг татан төвлөрүүлсэн хөрөнгийн “Бэлэн бус төлбөрийн зах зээл дээрх үйл ажиллагааны тэлэлт” хэсгээс зориулалтын дагуу зарцуулаад байна.
2025 оны 3 дугаар улирын байдлаар QPay төлбөрийн системийн суурь дэд бүтцийн шинэчлэлийн хүрээнд Суурь дэд бүтцийн сервер, тоног төхөөрөмжийг шинээр худалдаж авах болон одоогийн сервер, тоног төхөөрөмжийг өргөтгөх чиглэлээр нийт 1,190,378,556 төгрөгийн үнийн дүн бүхий худалдан авалтыг хийгээд байгаа бөгөөд үүнийг татан төвлөрүүлсэн хөрөнгийн 15% буюу “Техник, тоног төхөөрөмж, мэдээллийн аюулгүй байдлын дэд бүтцийг сайжруулах үйл ажиллагаа”-нд зориулагдах 1,247,994,608 төгрөгөөс зарцуулсан.
Одоогоор нийт татан төвлөрүүлсэн хөрөнгийн 41.0%-ийг зориулалтын дагуу зарцуулаад байгаа ба үлдсэн хөрөнгийг зориулалтын дагуу 2025 болон 2026 онуудад зарцуулахаар төлөвлөж байна" гэж мэдэгдлээ.
МОНГОЛЫН ХӨРӨНГИЙН БИРЖ