Хөрөнгийн зах зээлийн эрхэм оролцогч, харилцагч, үйлчлүүлэгч та бүхэндээ ирж буй шинэ оны баярын мэнд дэвшүүлье!  

“Монголын хөрөнгийн бирж” ХК нь 2025 онд биржээр арилжигдах үнэт цаасны төрлийг нэмэгдүүлэх, үндэсний ТОП 100 ААН-ийн үнэт цаас бүртгүүлэх үйл ажиллагааг хялбаршуулах, тодорхой нэр төрлийн бүтээгдэхүүнүүдийн анхдагч зах зээлийн арилжааны шимтгэлийг бууруулах чиглэлд анхаарч ажиллалаа.  

Түүнчлэн хөрөнгийн зах зээлийн сургалт, үйлчилгээ, мэдээллийн төвийг нээж, биржийн дата төвийг шинэчлэн, олон улсын TEIR II стандартад бүрэн нийцсэн, автоматжуулсан дата төв болон ЗГҮЦ-ны арилжааны bond.mse.mn платформыг нэвтрүүлсэн зэрэг олон олон ололт амжилттайгаар хуучин оноо үдэж байна.    

Эрхэм харилцагч, хөрөнгө оруулагч, хамтран ажиллагч та бүхэн угтан ирж буй 2026 ондоо золбоо хийморь тэгш дүүрэн, зорилго үйлс төгөлдөр, амжилт бүтээл арвин, аз жаргалаар бялхан байхын ерөөл өргөе!  

МОНГОЛЫН ХӨРӨНГИЙН БИРЖ