Санхүүгийн зохицуулах хорооны 2025 оны 09 дүгээр сарын 25-ны  өдрийн  352 дугаар тогтоол, “Монголын хөрөнгийн бирж” ХК-ийн Гүйцэтгэх захирлын үүргийг түр орлон гүйцэтгэгчийн 2025 оны 09 дүгээр сарын 29-ний өдрийн А/408 тоот тушаалын дагуу “Инвескор өсөлт ТЗК” ХХК нь нэг бүр нь 100,000 төгрөгийн нэрлэсэн үнэтэй,18 сарын хугацаатай, жилийн 18.5 хувийн хүүтэй нийт 50 тэрбум төгрөгийн үнийн дүн бүхий 500,000 ширхэг хөрөнгөөр баталгаажсан баталгаат үнэт цаасыг олон нийтэд санал болгосон.

Тус хөрөнгөөр баталгаажсан баталгаат үнэт цаасны анхдагч зах зээлийн арилжааны захиалгыг өнөөдөр буюу 2026 оны 01 дүгээр сарын 26-ны өдөр хүлээн авч амжилттай хаагдсан ба арилжааны системд "Инвескор өсөлт" ХБҮЦ-ыг худалдан авахаар нийт 272 хөрөнгө оруулагчийн 272 захиалга бүртгэгдсэн байна.

МОНГОЛЫН ХӨРӨНГИЙН БИРЖ