2026 оны 1 дүгээр сарын 30-ны өдөр энгийн арилжаагаар 49 хувьцаат компанийн 815,616,507 төгрөгийн үнийн дүн бүхий 716,658 ширхэг хувьцаа арилжаалагдсанаас 19 компанийн хувьцааны ханш өсч, 23 компанийн хувьцааны ханш буурсан бол 7 компанийн ханш тогтвортой байлаа.

Үүнээс Могойн гол ХК (BDL +14.70%), Тандэм инвэст ББСБ ХК (TAND+7.83%), Сүү ХК (SUU +4.24%) зэрэг компаниудын хувьцааны ханш хамгийн өндөр өсөлттэй байсан бол Монгол шуудан ХК (MNP -7.05%), Бодь Даатгал ХК (BODI -3.56%), Талх чихэр ХК (TCK -3.21%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын  2 сангийн нийт 14,689 ширхэг нэгж эрх 5,805,122 төгрөгөөр,

• Хөрөнгөөр баталгаажсан 16,884 ширхэг үнэт цаас 1,688,400,000 төгрөгөөр,

• Компанийн бондын хоёрдогч зах зээлийн арилжаагаар 20 ширхэг үнэт цаас 2,000,000 төгрөгөөр, 

• Компанийн бондын хоёрдогч зах зээлийн арилжаагаар 44 ширхэг үнэт цаас 4,400 ам.доллар буюу 15,683,140 төгрөгөөр тус тус арилжигдсан байна. 

Уул уурхайн бүтээгдэхүүний арилжаагаар:

• "Хангад Эксплорэйшн" ХХК-ийн 4 багц 25,600 тонн баяжуулсан сул коксжих нүүрс 22,366,530.72 ам.доллар буюу 79,728,406,400.43 төгрөгөөр,

• "Эрдэнэс Критикал Минералс" (“Монголросцветмет”) ТӨҮГ-ийн 2 багц 6,600 тонн 52%-ийн агууламжтай төмрийн хүдэр 452,100 ам.доллар буюу 1,611,442,635 төгрөгөөр,

• "Эрдэнэс Критикал Минералс" (“Монголросцветмет”) ТӨҮГ-ийн 2 багц 6,600 тонн 52%-ийн агууламжтай төмрийн хүдэр 452,100 ам.доллар буюу 1,611,442,635 төгрөгөөр,

• "Энержи Ресурс" ХХК-ийн 3 багц 19,200 тонн баяжуулсан дунд зэрэг үнстэй хагас хатуу коксжих нүүрс 11,136,000 юань буюу 5,715,329,280 төгрөгөөр тус тус арилжаалагдсан байна. 

Энэ өдөр нийт 89,252,947,025.43 төгрөгийн үнийн дүн бүхий арилжаа зохион байгуулав.

ТOП-20 индекс 0.71% хувиар өсч, 54,916.32 нэгж болсон бол зах зээлийн үнэлгээ 14,224,707,352,433 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ