“Монголын хөрөнгийн бирж” ХК-иас сар тутам “Үнэт цаасны зах зээлийн анхан шатны мэдлэг олгох танхимын сургалт”-ыг зохион  байгуулдаг. 2026 оны эхний сургалт маань 1 дүгээр сарын 28, 29, 30-ны өдрүүдэд дараах сэдвийн хүрээнд явагдаж өндөрлөө.

Үүнд:

• Хөрөнгийн зах зээлийн үүсэл, хөгжил

• Хувь хүний санхүү

• Хувьцаа, бондын ялгаа

• Брокер, дилерийн үндсэн үйл ажиллагаа

• Хөрөнгө оруулалтын төрөл, зорилго

• Финтек ба крипто валют

• Хөрөнгийн зах зээлийн мэргэжлийн оролцогч байгууллагуудын тухай

• Хөрөнгийн зах зээлийн ач холбогдол

• Багц бүрдүүлэлтийн талаар

• МХБ-ийн үнэт цаасны арилжаа, түүнд оролцох үйл явц

• Бататгах давтлага

Энэ сарын сургалтад хөрөнгийн зах зээлийг сонирхогч, арилжаанд оролцож сурах сонирхолтой 20 гаруй суралцагч иргэд хамрагдсан бөгөөд, сургалтын төгсгөлд нь биржийн МОНХА-ны Ахлах мэргэжилтэн П.Нямдорж суралцагчдад сертификатыг гардууллаа. 

"Монголын хөрөнгийн бирж" ХК нь энэхүү сургалтаар олон нийтэд үнэт цаасны зах зээлийн мэдлэг олгох замаар салбарын хөгжилд тодорхой хувь нэмэр оруулахад зорин ажилладаг.

МОНГОЛЫН ХӨРӨНГИЙН БИРЖ