Монголын хөрөнгийн бирж" ХК нь өнөөдөр /2026.02.10/  Аж үйлдвэр, эрдэс баялгийн яамтай хамтран Ашигт малтмалын тухай хуулийн нэмэлт өөрчлөлт болон түүнийг даган өөрчлөх Уул уурхайн бүтээгдэхүүний биржийн тухай хуулийн нэмэлт өөрчлөлтийг мэргэжлийн оролцогч байгууллагуудын төлөөлөлд танилцуулах уулзалт хэлэлцүүлгийг зохион байгууллаа. 

Энэхүү уулзалтад Аж үйлдвэр, эрдэс баялгийн яамны Уул уурхайн бодлогын газрын дарга Г.Намчинсүрэн "Ашигт малтмалын тухай хуульд нэмэлт өөрчлөлт оруулах хуулийн төслийн танилцуулга" сэдвийн хүрээнд хууль эрх зүйн өөрчлөлт, яамны бодлого, төлөвлөгөөг танилцуулсан бол "Монголын Хөрөнгийн Бирж" ХК-ийн Уул уурхайн бүтээгдэхүүний арилжаа, бүртгэлийн газраас "Уул уурхайн бүтээгдэхүүний биржийн тухай хуульд нэмэлт, өөрчлөлт оруулах тухай хуулийн төслийн тухай" сэдвээр илтгэл танилцуулав. 

Уулзалт хэлэлцүүлэг уул уурхайн бүтээгдэхүүний арилжаанд оролцогч байгууллагуудын төлөөлөл болсон 20 гаруй  хүн оролцсон бөгөөд ашигт малтмалын тухай хуулийн нэмэлт өөрчлөлт болон уул уурхайн бүтээгдэхүүний арилжаанд тулгамдаж буй асуудлууд цаашдын боломжуудын талаар санал солилцлоо.

МОНГОЛЫН ХӨРӨНГИЙН БИРЖ