НИТХ-ын 2025 оны 12 дугаар сарын 26-ны өдрийн Дугаар 25/145 тогтоол болон Монгол Улсын Засгийн газрын 2026 оны 02 дугаар сарын 11-ний өдрийн Дугаар 49 тоот тогтоолыг тус тус үндэслэн "Монголын хөрөнгийн бирж" ХК-ийн Гүйцэтгэх захирлын 2026 оны 03 дугаар сарын 24-ний өдрийн А/130 тоот тушаалаар Нийслэлийн засаг даргын гаргаж буй дараах нөхцөлтэй “Нийсэлэл бонд” өрийн хэрэгслийг Монголын хөрөнгийн биржийн үнэт цаасны бүртгэлд бүртгэлээ.
Санхүүгийн зохицуулах хорооны 2026 оны 03 дугаар сарын 26-ны өдрийн Дугаар 81 тоот тогтоолын дагуу 2026 оны 3 дугаар сарын 30-ны өдөр тус өрийн хэрэгслийн анхдагч зах зээлийн арилжааг эхлүүлэх бөгөөд арилжааны захиалгыг ажлын 5 өдөр буюу 2026 оны 3 дугаар сарын 30-ны өдрөөс эхлэн 4 дүгээр сарын 3-ны өдрийг дуустал 10:00-17:00 цагийн хооронд Монголын хөрөнгийн биржийн IPO системээр дамжуулж хүлээн авна.
”Нийслэл бонд”-ын үндсэн андеррайтераар “Эм Ай Си Си ҮЦК” ХХК ажиллаж байгаа бөгөөд татан төвлөрүүлэх үнийн дүн 100 хувьд хүрсэн тохиолдолд анхдагч зах зээлийн арилжааны захиалга хаагдах нөхцөлтэй.
Бондын нэр: Нийслэл бонд
Бондын тоо ширхэг: 200,000 ширхэг
Бондын нэрлэсэн үнэ: 1,000,000 төгрөг
Бондын нийт үнийн дүн: 200,000,000,000 төгрөг
Бондын жилийн хүү: 14%
Бондын хугацаа: 3 жил
Бондын хүү төлөгдөх хугацаа /давтамж/: Хагас жил тутамд
Бондын үндсэн төлбөр төлөх хугацаа: Хугацааны эцэст
Бондын зарцуулалт: 2х150 МВт хүчин чадалтай, орчин үеийн эргэлтэд буцлах үет шаталттай (CFB) технологит “Дулааны тавдугаар цахилгаан станц (ДЦС-5)”-ын санхүүжилт
Захиалга авах хугацаа: 2026.03.30 - 2026.04.03
Үнэт цаасны албан мэдэгдэлтэй энд дарж танилцана уу.
МОНГОЛЫН ХӨРӨНГИЙН БИРЖ