Өнөөдөр /2026.4.15/ Засгийн газрын хямдруулалттай 52 долоо хоног, купонтой 2 жилийн хугацаатай, нийт 10 тэрбум төгрөгийн үнийн дүн бүхий дотоод үнэт цаасыг хөрөнгө оруулагчдад нээлттэй санал болгон арилжааллаа.

Хөрөнгө оруулагчдаас 52 долоо хоногийн хугацаатай хямдруулалттай бондод 7.8 тэрбум төгрөгийн үнийн дүн бүхий 9 ширхэг захиалга, 2 жилийн хугацаатай купонтой бондод 7.7 тэрбум төгрөгийн үнийн дүн бүхий 9 ширхэг захиалга буюу нийт 15.5 тэрбум төгрөгийн үнийн дүн бүхий саналыг тус тус ирүүллээ.

Арилжааны үр дүнд нийт 9.56 тэрбум төгрөгийн үнийн дүн бүхий 100 мянган ширхэг үнэт цаас арилжигдаж, хямдруулалттай 52 долоо хоногийн хугацаатай бондын үнэт цаасны жигнэсэн дундаж хүү 9.465 хувиар, купонтой 2 жилийн хугацаатай хугацаатай бондын үнэт цаасны жигнэсэн дундаж хүү 10.172 хувиар тогтлоо.

Тус арилжааны үр дүнгийн дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ