Монгол Улсын Батлан хамгаалах яам болон “Монголын хөрөнгийн бирж” ХК 2026 оны 1-р улиралд тус яамны харьяа байгууллагуудын албан хаагчдад санхүү, хөрөнгийн зах зээл, компанийн засаглал, үнэт цаасны талаарх мэдлэг, ойлголтыг нэмэгдүүлэх, зөвлөгөө, мэдээллээр хангах чиглэлээр хамтын ажиллагааны санамж бичиг байгуулсан.

Хамтын ажиллагааны хүрээнд өнөөдөр (2026.04.17) Монголын хөрөнгийн биржээс Батлан хамгаалах яамны ажилтан албан хаагчид болон Үндэсний батлан хамгаалах их сургуулийн багш, сонсогчдод дараах сэдвийн хүрээнд сургалт явуулаа.

Үүнд:

• Хөрөнгө оруулалт ба хөрөнгийн зах зээлийн тухай үндсэн ойлголт

• “Хөрөнгийн зах зээл ба 1072 хувьцаа”, хувьцааны ногдол ашгийн талаар мэдээ, мэдээллийг танилцуулсан.

Энэхүү үйл ажиллагаанд нийт 400 орчим хүн хамрагдсан бөгөөд биржийн МОНХА-ны Бизнес хөгжил хариуцсан ахлах мэргэжилтэн П.Нямдорж, Бүртгэлийн албаны Бүртгэл хариуцсан мэргэжилтэн А.Хүслэн нар холбогдох мэдээллийг хүргэлээ.

МОНГОЛЫН ХӨРӨНГИЙН БИРЖ