Санхүүгийн зохицуулах хорооны 2026 оны 01 дүгээр сарын 08-ны өдрийн 03 дугаар тогтоол, “Монголын хөрөнгийн бирж” ХК-ийн Гүйцэтгэх захирлын 2026 оны 01 дүгээр сарын 05-ны өдрийн А/04 тоот тушаалаар "Өмнөговь бонд" өрийн хэрэгслийг биржийн үнэт цаасны бүртгэлд бүртгэн, олон нийтэд санал болгосон.

Өмнөговь аймгийн Засаг даргын хөтөлбөрийн хүрээнд нийтэд санал болгон гаргасан 24 сарын хугацаатай, жилийн 16.0 хувийн хүүтэй, нэг бүр нь 100,000 /нэг зуун мянга/ төгрөгийн нэрлэсэн үнэтэй, нийт 150,000,000,000 /нэг зуун тавин тэрбум/ төгрөгийн үнийн дүн бүхий "Өмнөговь бонд" өрийн хэрэгслийн анхдагч зах зээлийн арилжааны захиалгыг 2026 оны 05 дугаар сарын 13-ны өдөр хүлээн авч, арилжааг амжилттай зохион байгууллаа.

Арилжааны системд 150,000,000,000 /нэг зуун тавин тэрбум/ төгрөгийн үнийн дүн бүхий 1,500,000 /нэг сая таван зуун мянга/ ширхэг өрийн хэрэгслийг худалдан авахаар нийт 205 хөрөнгө оруулагчийн 206 захиалга бүртгэгдэж, захиалга амжилттай хаагдлаа. 

Үнэт цаасны талаарх албан мэдэгдлийг эндээс үзнэ үү. 

МОНГОЛЫН ХӨРӨНГИЙН БИРЖ