"Монголын хөрөнгийн бирж" ХК-ийн Гүйцэтгэх захирлын үүргийг түр орлон гүйцэтгэгч Д.Мөнхбат болон Уул уурхайн бүтээгдэхүүний арилжаа бүртгэлийн газрын захирал О.Батзаяа нар өнөөдөр (2026.05.29) Уул уурхайн бүтээгдэхүүний арилжааны зуучлагчийн оролцоог дэмжих ажлын хүрээнд гадаад, дотоодын харилцагч байгууллагуудын төлөөллийг хүлээн авч уулзлаа.
Тус уулзалтад “Би Ди Сек ҮЦК” ХК болон БНХАУ-ын Хайнань, Хунань муж, ӨМӨЗО-ны Ухай болон Ордос хотод нүүрсний худалдаа, угаах, баяжуулах үйлдвэрлэл эрхэлдэг компаниудын төлөөлөгчид оролцсон бөгөөд биржийн зүгээс уул уурхайн бүтээгдэхүүний арилжаа, бүртгэл, гэрээний зохицуулалтын талаар дэлгэрэнгүй мэдээлэл өгч, харилцан санал солилцсон юм.
Зочид төлөөлөгчид цаашид Монгол Улсаас биржээр дамжуулан экспортод гаргаж буй уул уурхайн бүтээгдэхүүний худалдан авалтыг нэмэгдүүлэх сонирхолтой байгаагаа илэрхийллээ.
МОНГОЛЫН ХӨРӨНГИЙН БИРЖ