Санхүүгийн зохицуулах хорооны 2021 оны 01 дүгээр сарын 27-ны өдрийн ээлжит хуралдаанаар “Хувьцаат компанийн хувьцаа эзэмшигчдийн хурлын зар хүргэх журамд нэмэлт, өөрчлөлт, оруулах тухай” 45 дугаар тогтоолыг баталсан бөгөөд Захиргааны ерөнхий хуулийн 64, 65, 66 дугаар зүйлд заасны дагуу холбогдох нэмэлт, өөрчлөлтийг Хууль зүй, дотоод хэргийн яамнаас хянаад, 2021 оны 02 дугаар сарын 10-ны өдөр улсын нэгдсэн бүртгэлд хөдөлгөөн хийлээ.

Энэхүү нэмэлт өөрчлөлтөөр “Хурлыг цахим хэлбэрээр зохион байгуулах” гэсэн бүлгийг нэмж оруулан хувьцаа эзэмшигчид хуралдаа онлайнаар оролцож, асуулт асуух, саналаа цахимаар өгөх, санал тооллогыг баталгаажуулах зэрэг нөхцөл, шаардлагыг зохицуулсан нь хувьцаа эзэмшигчдийн хурлын ирцийг нэмэгдүүлэх, жижиг хувьцаа эзэмшигчдийн оролцоог сайжруулах ач холбогдолтой юм.

Хорооны 2021 оны 45 дугаар тогтоол, түүний хавсралтаар баталсан журамтай энд дарж танилцана уу.

Эх сурвалж: Санхүүгийн зохицуулах хороо