Монголын хөрөнгийн биржийн "Үнэт цаасны бүртгэлийн журам"-ын 20 дугаар зүйлийн 20.2-д заасныг үндэслэн гаргасан Гүйцэтгэх захирлын 2021 оны 8-р сарын 30-ны өдрийн А/71 тоот тушаалын дагуу бүртгэлтэй хувьцаат компанийн үнэт цаасны ангиллыг шинэчлэн тогтоолоо.
МХБ-ийн бүртгэлтэй компаниудаас үйл ажиллагаа, ашиг орлого, арилжааны идэвх, компанийн засаглалаараа тэргүүлэгч компаниудыг хамруулсан I дүгээр ангилалд “Ард кредит ББСБ” ХК, “Ард санхүүгийн нэгдэл” ХК, “Инвескор ББСБ” ХК-иуд шинээр дэвшин орсон бол бүртгэлийн II дугаар ангилалд "Эрдэнэ ресурс девелопмент корпорэйшн", "Тандэм инвест ББСБ" ХК зэрэг компаниуд шинээр орлоо. Харин бүртгэлийн II дугаар ангиллаас "Оллоо" ХК ангилал буурч III дугаар ангилалд орсон байна.
Шинэчлэгдсэн бүртгэлийг энд дарж харна уу.
МОНГОЛЫН ХӨРӨНГИЙН БИРЖ