“Монголын хөрөнгийн бирж” ТӨХК-ийн 1-р ангилалд бүртгэлтэй үнэт цаас гаргагч компани болох “ЛэндМН ББСБ” ХК-ийн хөтөлбөрийн хүрээнд гаргаж байгаа өрийн хэрэгслийн I транчийн нэг бүр нь 100,000 төгрөгийн нэрлэсэн үнэтэй, хоёр жилийн хугацаатай, жилийн 14.0 хувийн хүүтэй өрийн хэрэгсэл болох “ЛэндМН Бонд” нь 2021 оны 11-р сарын 29-ний өдөр Монголын хөрөнгийн биржээр олон нийтэд нээлттэйгээр арилжаалагдаж, нийт 2.5 тэрбум төгрөгийн санхүүжилтийг амжилттай татан төвлөрүүллээ.

Тус үнэт цаасны анхдагч зах зээлийн арилжаанд нийт 44 иргэн, аж ахуйн нэгж оролцож, нийт 25,000 ширхэг буюу 2,500,000,000 төгрөгийн үнийн дүн бүхий худалдан авах захиалга ирүүлсэн тул үнэт цаас гаргагчаас ирүүлсэн хүсэлтийн дагуу захиалгыг хаалаа.

МОНГОЛЫН ХӨРӨНГИЙН БИРЖ