Монголын хөрөнгийн биржийн I ангилалд бүртгэлтэй "Ард кредит" (ADB) ХК нь 2022 оны эхний хагас жилийн үйл ажиллагаа, санхүүгийн үр дүнгээ танилцууллаа. 

Тайлант хугацаанд:

• Компанийн нийт хөрөнгийн хэмжээ 71.7 тэрбум төгрөг болж, өнгөрсөн оны мөн үеэс 3.5 хувиар өссөн байна. 

• Хүү, шимтгэлийн орлого 7.38 тэрбум төгрөг болж, 2021 оны хоёрдугаар улирлаас 58 хувиар нэмэгджээ.

• Хаалттай бонд гаргах эрх авч, 6.9 тэрбум төгрөгийг амжилттайгаар татан төвлөрүүлэв.

• Хувьцаа эзэмшигчдэдээ 1.26 тэрбум төгрөгийн ногдол ашиг тараасан байна.

• Компанийн харилцагчдын тоо 1,006,234-т хүрсэн бол нийт зээлдэгчийн тоо 49,065 болов. 

• Энэ оны эхний хагаст зээлийн багц 41.5 тэрбум төгрөгт хүрсэн нь өнгөрсөн оны мөн үетэй харьцуулахад 37.5 хувиар өссөн үзүүлэлт юм. 

• Чанаргүй зээлийн үзүүлэлт 2021 оны хоёрдугаар улиралд 6.63 хувь байсан бол энэ оны эхний хагас жилийн байдлаар 8.3 хувь болж өссөн байна. 

• "Ард санхүүгийн нэгдэл" ХК тус компанийн нийт хувьцааны 40.59 хувийг эзэмшиж байна. 

Та бүхэн "Ард кредит" ХК-ийн 2022 оны эхний хагас жилийн тайлангийн танилцуулгыг энд дарж үзнэ үү.

МОНГОЛЫН ХӨРӨНГИЙН БИРЖ