"Монос хүнс" ХК нь Компанийн тухай хуулийн 46 дугаар зүйл, 46.1, 46.2, 46.5 дахь заалт 47 дугаар зүйлийн 47.1, 76 дугаар зүйлийн 76.1.12 дахь заалт, компанийн дүрмийн 11 дүгээр зүйл 11.5, 11.6 дахь заалт болон Санхүүгийн зохицуулах хорооны 28 тоот тогтоол болон холбогдох бусад шийдвэрүүдийг үндэслэн Төлөөлөн Удирдах Зөвлөлийн 2026 оны 02 дугаар сарын 16-ны өдрийн №26/01 тогтоолоор ногдол ашиг хуваарилахаар болсон байна.

Тус компани нь 2025 оны жилийн эцсийн санхүүгийн тайланд тусгагдсан цэвэр ашгаас 1,839,826,926 (Нэг тэрбум найман зуун гучин есөн сая найман зуун хорин зургаан мянга есөн зуун хорин зургаа) төгрөгийг, нэгж хувьцаанд 4.5 (дөрвөн төгрөг тавин мөнгө) төгрөгөөр тооцож ногдол ашиг хуваарилна. 

Ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг хувьцаа эзэмшигчийн ээлжит хурлын бүртгэлийн өдрөөр тогтоон, олон нийт буюу 30 хувийн хувьцаа эзэмшигчдийн ногдол ашгийг "Үнэт цаасны төвлөрсөн хадгаламжийн төв" ХХК-иар дамжуулан, 2026 оны 4 дүгээр сарын 30-ны өдрийн дотор, 70 хувийн хувьцаа эзэмшигчдийн ногдол ашгийг 2026 оны 7 дугаар сарын 30-ны өдөрт багтаан хуваарилахаар болсон байна.

Дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ