“Монголын хөрөнгийн бирж” ХК нь 2022 оны 12 сард IPO хийж, 34 хувиа олон нийтэд арилжин, нээлттэй хувьцаат компанийн хэлбэрт шилжсэнээр хувьцаа эзэмшигчдэдээ гурав дахь жилдээ ногдол ашиг хуваарилж байна.

Компанийн Төлөөлөн Удирдах Зөвлөлийн 2026 оны 02 дугаар сарын 12-ны өдрийн 04 дүгээр тогтоолоор 2025 оны татварын дараах цэвэр ашгаас нэгж хувьцаанд 43.44 төгрөгөөр тооцон, нийт 15,224,136,134.16 төгрөгийн ногдол ашиг хуваарилах шийдвэр гарсан.

Тус шийдвэрийн дагуу 2026 оны 04 дүгээр сарын 22-ны өдөр "Үнэт цаасны төвлөрсөн хадгаламжийн төв" ХХК-иар дамжуулан татварын дараах 4,897,759,946.43 төгрөгийг 11,339 хувьцаа эзэмшигчийн дансанд байршуулж, компанийн 66% эзэмшигч Сангийн яам буюу улсын төсөвт 10,047,929,859.84 төгрөгийн ногдол ашгийг тус тус шилжүүллээ.

МОНГОЛЫН ХӨРӨНГИЙН БИРЖ