“Монголын хөрөнгийн бирж” ХК нь 2026 оны эхний хагас жилийн байдлаар нийт 515 удаагийн уул уурхайн бүтээгдэхүүний цахим дуудлага арилжаа зохион байгуулагдсанаас 441 арилжааны хэлцэл амжилттай хийгдэж, нийт 17.71 сая тонн уул уурхайн бүтээгдэхүүнийг 5.9 их наяд төгрөгөөр арилжааллаа. Энэ нь өмнөх жилийн мөн үетэй харьцуулахад уул уурхайн бүтээгдэхүүний арилжааны хэмжээ 2.3 дахин, үнийн дүнгийн хувьд 3.2 дахин, дуудлага арилжааны үнийн өсөлтөөс олсон нэмэлт орлого 1.8 дахин буюу 423 тэрбум төгрөгт хүрч тус тус  өслөө. Энэхүү өсөлтөд гол нөлөө үзүүлсэн “Эрдэнэс Тавантолгой” ХК-ийн арилжаа өмнөх оны мөн үетэй харьцуулахад 6.3 дахин (9,4 сая тонн), “Тавантолгой” ХК 5 дахин (2,8 сая тонн), “Эрдэнэт Үйлдвэр” ТӨҮГ 2 дахин (40,000 тонн) “Энержи Ресурс” ХХК 9.2 дахин (1,76 сая тонн) тус тус нэмэгдсэн байна. Энэ нь Монгол Улсын Засгийн Газраас баримталж буй уул уурхайн бүтээгдэхүүний арилжааг ил тод зохион байгуулж, экспортыг нэмэгдүүлэх бодлогын үр нөлөө гэж дүгнэж байна.

Дэлгэрэнгүй тайланг энд дарж үзнэ үү.

МОНГОЛЫН ХӨРӨНГИЙН БИРЖ