“Монголын хөрөнгийн бирж” ТӨХК-ийн Төлөөлөн удирдах зөвлөлийн ээлжит хурал 2013 оны 3 дугаар сарын 04-ний өдөр Монголын хөрөнгийн биржийн байранд болж дараах шийдвэрүүдийг гаргалаа. Үүнд:  

      1.    Хувьцааны арилжааны шимтгэлийг буурууллаа.

     Монголын хөрөнгийн биржийн гүйцэтгэх удирдлагын зүгээс энэ удаагийн Төлөөлөн удирдах зөвлөлийн хурлаар зах зээлд оролцогчдыг дэмжих зорилгоор хувьцааны арилжаанаас авч буй шимтгэлийн эхний хоёр шатлалыг буюу арилжаа хамгийн ихээр хийгддэг 100 сая хүртэл төгрөгийн үнийн дүнтэй арилжаанаас авах шимтгэлийг “0.5%” байсныг “0.4%” болгон хорин хувиар бууруулах, 100 саяас 1 тэрбум төгрөгийн үнийн дүнтэй арилжаанаас авах шимтгэлийг “0.4%” байсныг “0.38%” болгон таван хувиар тус тус бууруулах саналыг оруулж тус хурлаар шийдвэрлүүллээ. Энэхүү өөрчлөлтийг 2013 оны 3 дугаар сарын 11-ний өдрөөс буюу ирэх Даваа гарагаас эхлэн мөрдөж эхлэх юм.

     Журмын хавсралтад орсон нэмэлт, өөрчлөлтийг эндээс үзнэ үү.

    2.  “Блюскай секьюритиз” ХК болон “Хүннү Эмпайр” ХХК-ийг Монголын хөрөнгийн биржийн гишүүнээр элсүүлэв. Ингэснээр Монголын хөрөнгийн биржийн гишүүн компанийн тоо 82-т хүрлээ.  

Мэдээллийн алба

МОНГОЛЫН ХӨРӨНГИЙН БИРЖ