Монголын Хөрөнгийн Бирж (МХБ)-ийн 1-р ангилалд бүртгэлтэй "Ард Даатгал" ХК 2019 оны эхний хагас жилийн санхүү, үйл ажиллагааны тайлангаа 2019 оны 8 сарын 8-ны өдөр олон нийтэд нээлттэй танилцууллаа. Тайлант хугацаанд:

• Нийт хөрөнгө өмнөх оныхоос 8.5 тэрбум төгрөгөөр буюу 64 хувиар өсч, 21.9 тэрбум төгрөгт хүрсэн байна. 
• 5,8 тэрбум төгрөгийн хураамжийн орлого төвлөрүүлсэн ба цэвэр хураамжийн орлого өмнөх оны мөн үеэс даруй 10 хувиар өссөн үзүүлэлттэй байна.
• Хөрөнгө оруулалтын орлого 1.6 тэрбум төгрөгт хүрсэн нь өнгөрсөн оны мөн үеэс  200 хувиар өссөн үзүүлэлт болсон байна. 
• 2019 оны эхний хагас жилд 1.3 тэрбум төгрөгийн цэвэр ашигтай ажилласан нь өнгөрсөн оны мөн үеэс  724 хувиар өссөн үзүүлэлт болжээ.
• 2018 оны цэвэр ашгаас нэгж хувьцаанд 25.27 төгрөгийн ногдол ашгийг хуваарилахаар шийдвэрлэсний дагуу нийт 1,711 хувьцаа эзэмшигчиддээ 631 сая төгрөгийн ногдол ашгийг амжилттай хуваарилсан байна.                                                                                 

"Ард Даатгал" ХК-ийн олон нийтэд нээлттэй танилцуулсан тайланг бүрэн эхээр нь Энд дарж үзнэ үү.

МОНГОЛЫН ХӨРӨНГИЙН БИРЖ