• en
IPO

Арилжааны тайлан

Индекс

48393.67

( -202.42 -0.42% )
Индекс Нэгж Өөрчлөлт
Top 20 Индекс 48393.67 -202.42
MSE A Индекс 17994.51 -2.91
MSE B Индекс 14464.85 35.7

Мэдээ мэдээлэл

08-Р САРЫН 29-НИЙ ӨДРИЙН АРИЛЖААНЫ МЭДЭЭ

2025-08-29 17:17:50

Энэ өдөр нийт 20,859,934,843 төгрөгийн үнийн дүн бүхий арилжаа зохион байгууллаа.

ЗГДҮЦ-НЫ АНХДАГЧ ЗАХ ЗЭЭЛИЙН АРИЛЖАА 2025 ОНЫ 9 ДҮГЭЭР САРЫН 3-НЫ ӨДӨР ЯВАГДАНА

2025-08-29 11:50:43

Анхдагч зах зээлийн арилжаагаар нэг бүр нь 100,000 төгрөгийн нэрлэсэн үнэтэй, 50,000 ширхэг, 5.0 тэрбум төгрөгийн үнийн дүн бүхий ЗГДҮЦ-ыг олон нийтэд санал болгож, нийт 5.0 тэрбум төгрөгийг татан төвлөрүүлнэ.

"ШУНХЛАЙ" ХХК-ИЙН ӨРИЙН ХЭРЭГСЛИЙГ ҮНЭТ ЦААСНЫ БҮРТГЭЛД БҮРТГЭЖ, I ТРАНЧИЙН АНХДАГЧ ЗАХ ЗЭЭЛИЙН АРИЛЖААГ 09 ДҮГЭЭР САРЫН 02-НЫ ӨДӨР ЭХЛҮҮЛЭХЭЭР БОЛЛОО

2025-08-29 11:50:04

“Шунхлай” ХХК-ийн өрийн хэрэгслийн 1 дүгээр транчийн анхдагч зах зээлийн арилжааг 2025 оны 9 дүгээр сарын 2-ны өдрөөс 8-ны өдрийн 17:00 цаг хүртэл ажлын 5 өдрийн хугацаанд явуулах бөгөөд Транч 1 бондод 40.0 тэрбум төгрөг хүртэлх санхүүжилтийг татан төвлөрүүлэхээр төлөвлөсөн байна. 

Мэдээ мэдээлэл

"ДАРХАН НЭХИЙ” ХК 2019 ОНЫ ЭХНИЙ ХАГАС ЖИЛИЙН САНХҮҮ, ҮЙЛ АЖИЛЛАГААНЫ ТАЙЛАНГАА ТАНИЛЦУУЛЛАА

2019-08-15 17:04:20

Монголын хөрөнгийн биржийн 1-р ангилалд бүртгэлтэй "Дархан Нэхий" ХК нь 2019 оны эхний хагас жилийн санхүү, үйл ажиллагааны тайлангаа Монголын хөрөнгийн бирж дээр 2019 оны 8 сарын 15-ны өдөр олон нийтэд нээлттэй танилцууллаа. Тайлант хугацаанд: 

  • Дэвсгэрийн зориулалттай үстэй боловсруулсан арьсны шугам нэмж суурилуулснаар бүтээгдэхүүний чанар сайжирснаас гадна 4000 арьс нэмж боловсруулах хүчин чадалтай болжээ. 

  • Хромын агууламжгүй, эко 100 мянган ширхэг арьсыг Европын зах зээлд экспортлох захиалга авсан байна. 

  • Ноос угаах автомат үйлдвэрийн тоног төхөөрөмжийг ашиглалтанд оруулсан байна. 

  • Тус компанийн охин компаниудын үйл ажиллагааны тухайд "Гранд Як" ХХК нь Дархан хотын төвд 12 давхар, 108 өрөө бүхий 3 одтой зочид буудлыг 2019 оны 11 сард албан ёсоор ашиглалтанд оруулахаар ажиллаж байна. Нэхий боловсруулах үйл ажиллагаа явуулдаг охин компани болох "Нэхий Таннери" ХХК нь шахмал ширний үйлдвэрийг арьс ширний салбарт анхлан нэвтрүүлэхээр ажиллаж байна. Энэхүү төслийн хүрээнд хатуу хог хаягдлыг дахин ашиглаж, эдийн засгийн эргэлтэнд оруулах замаар байгальд ээлтэй хамгийн сүүлийн үеийн дэвшилтэт технологийг нэвтрүүлэхээр зорьж байна. Худалдааны үйл ажиллагаа эрхлэх охин компани болох "Нэхий Трейд" ХХК нь Улаанбаатар хотын Баянзүрх дүүрэгт өөрийн нэрийн барааны шинэ салбар дэлгүүр нээхээр төлөвлөж байна.

  • "Дархан Нэхий" ХК-ийн хэмжээнд цэвэр борлуулалтын орлого өмнөх оны мөн үетэй харьцуулахад 11 хувиар буурч, 8.4 тэрбум төгрөгт хүрсэн ч компанийн зүгээс оны эцэс гэхэд борлуулалтын орлогыг өмнөх оноос 37 хувиар өсгөх зорилт тавин ажиллаж байгаа бөгөөд энэхүү зорилтын хүрээнд үйлдвэрлэлийн хүчин чадлаа өргөжүүлж, шахмал ширний шугамыг суурилуулах, шир боловсруулах явцад хаягдал болдог хуулдас, захалгааны хаягдлыг дахин боловсруулах үйлдвэрийг энэ онд багтаан ашиглалтанд оруулахаар ажиллаж байна.

  • 2014 оны 8-р сарын 15-нд эргэлтийн хөрөнгийн зориулалтаар 14 тэрбум төгрөгийн санхүүжилтийг 60 сарын хугацаатай төслийн зээлд хамрагдсан бөгөөд уг зээлийг хугацаандаа буюу 2019 оны 08-р сарын 15-нд амжилттай төлж дууссан байна.

  • Туршилтийн технологийн цехийн их засварыг хэрэгжүүлж, шинэчлэл хийн, шинэ нэр төрлийн бүтээгдэхүүн зах зээлд гаргахаар ажиллаж байгаа тухай танилцууллаа. 

"Дархан Нэхий" ХК-ийн олон нийтэд нээлттэй танилцуулсан тайланг бүрэн эхээр нь Энд дарж үзнэ үү.

     

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

МОНГОЛЫН ХӨРӨНГИЙН БИРЖ