Санхүүгийн зохицуулах хорооны 2011 оны 07-р сарын 26-ны өдрийн 224 дүгээр тогтоолоор “Бэрх уул” ХК-ийн нэгдмэл сонирхолтой хувьцаа эзэмшигчдээс гаргасан тендер саналыг зөвшөөрсөн байна. Тогтоолоор тус компанийн нийт гаргасан 19 062 080 ширхэг энгийн хувьцааны 99.88 хувийг нэгдмэл сонирхолтойгоор эзэмшигч болох “Файрбөрд глобал мастер фанд” ХХК, “Файрбөрд глобал мастер фанд II” ХХК, “Файрбөрд монголиа фанд” ХХК, “Хэнэте ресурси холдинг Эс.Эй.Пи.Эл” ХХК, “Вью холдинг Эс.Эй.Пи.Эл” ХХК-иудаас хувьцаат компанийн бусад хувьцаа эзэмшигчдийн өмчлөлд байгаа нийт хувьцааны 0.12 хувь буюу 23,033 ширхэг хувьцааг нэг бүр нь 392 төгрөгөөс доошгүй үнээр худалдан авч тус компанийг 100 хувь эзэмшихээр гаргасан тендер саналыг зөвшөөрч хүчинтэй байх хугацааг 2011 оны 07-р сарын 26-ны өдрөөс эхлэн ажлын 60 хоногоор тогтоосон байна.