Монгол улсад хөрөнгийн зах зээл үүсч, “Монголын хөрөнгийн бирж” ТӨХК байгуулагдсаны 30 жилийн ойг тохиолдуулан "Бид ирээдүйн хөрөнгө оруулагчид" тэмцээнийг үндэсний томоохон их, дээд сургуулиудтай хамтран зохион байгуулахаар боллоо.

Энэхүү тэмцээний зорилго нь санхүүгийн чиглэлээр  суралцаж байгаа оюутнуудын хөрөнгийн зах зээлийн талаарх онолын мэдлэгээ бататган, цааш гүнзгийрүүлэн судлах нөхцөлийг бүрдүүлэн практик дадлага олж авах, харилцан туршлага солилцож багаар ажиллах чадварыг дээшлүүлэн ирээдүйн мэргэшсэн чадварлаг боловсон хүчин бэлтгэхэд чиглэж байна.

Тэмцээнд оролцогчид хөрөнгө оруулалтын багц үүсгэн арилжаанд бодит мөнгөөр оролцохоороо онцлог бөгөөд  МУИС, ШУТИС, СЭЗИС, ХААИС, ХУИС-иудын 5 баг, нийт 25 оюутан мэдлэг ур чадвараа сорин өрсөлдөж байна. 

МОНГОЛЫН ХӨРӨНГИЙН БИРЖ