"Монголын Хөрөнгийн Бирж" ТӨХК нь Монгол Улсад хөрөнгийн зах зээл үүссэний 30 жилийн ойг тохиолдуулан Монголын Итгэмжлэгдсэн Санхүүгийн Шинжээчдийн Нийгэмлэгээс 5 дахь жилдээ зохион байгуулж байгаа CFA Institute Research Challenge /Судалгааны Сорил/ тэмцээнийг хамтран зохион байгууллаа.

Энэ удаагийн тэмцээн нь цар тахалтай холбоотойгоор 2021 оны 1-р сарын 29-ний өдөр цахим хэлбэрээр болж 7 их, дээд сургуулийн 9 багийн 45 оюутан оролцсоноос Санхүү Эдийн Засгийн Их Сургуулийн ′′AXIOM" баг тэргүүн байранд орж, Ази Номхон далайн бүсийн тэмцээнд оролцох эрхээ авсан бол Монгол Улсын Их Сургуулийн ′"ТИТАНС′′ баг хоёрдугаар байр, Санхүү Эдийн Засгийн Их Сургуулийн "МЕРАКИ"  баг гуравдугаар байрыг тус тус эзэллээ. 

Энэхүү уралдаан тэмцээн нь биржид бүртгэлтэй нээлттэй хувьцаат компанид олон улсын стандарт шаардлагын дагуу шинжилгээ судалгаа хийдэг тул зах зээлд ажиллах мэргэшсэн шинжээчдийг бэлтгэхэд ихээхэн ач холбогдолтой юм. 

МОНГОЛЫН ХӨРӨНГИЙН БИРЖ