Монголын хөрөнгийн бирж нь “Эрдэнэс тавантолгой” ХК-ийн орлогоор баталгаажсан 100,000 төгрөг болон 100 ам.долларын нэрлэсэн үнэтэй, хоёр жилийн хугацаатай “ЭТТ Бонд”-ын анхдагч зах зээлийн арилжааны захиалгыг 2021 оны 3 дугаар сарын 30-наас 2021 оны 4 дүгээр сарын 09-ний өдрүүдэд гишүүн үнэт цаасны компаниудаараа дамжуулан хүлээн авч, анхдагч зах зээлийн арилжааг амжилттай зохион байгууллаа. 

Үнэт цаасны арилжаанд нийт 973 иргэн, аж ахуйн нэгж оролцож, 2,755,639 ширхэг захиалга ирүүлснээр 347.7 тэрбум төгрөг, банкуудын дахин санхүүжилтийн гэрээний дагуу 330 тэрбум төгрөг буюу нийт 677.7 тэрбум төгрөгийн багцын санхүүжилтийг бүрдүүлсэн байна. 

СЗХ-ноос анхдагч зах зээлийн арилжааг амжилттай болсон гэж шийдвэр гаргасан үед хөрөнгө оруулагчдын өрийн хэрэгсэл авч чадаагүй үлдсэн мөнгөн хөрөнгийг буцаан авах эрх үүсэх юм.

МОНГОЛЫН ХӨРӨНГИЙН БИРЖ