Монголын хөрөнгийн биржийн нэгдүгээр ангилалд бүртгэлтэй “Талх чихэр” /TCK/ ХК 2022 оны эхний хагас жилийн үйл ажиллагаа, санхүүгийн үр дүнгээ танилцууллаа.

Тайлант хугацаанд:

• Компанийн нийт хөрөнгийн хэмжээ 77.9 тэрбум төгрөгт хүрсэн байна.

• “Талх чихэр” ХК нийт 44.46 тэрбум төгрөгийн борлуулалт хийсэн бөгөөд энэ нь өнгөрсөн оны мөн үеэс 9.5 тэрбум төгрөгөөр буюу 27.3 хувиар өссөн үзүүлэлт юм.

• Компанийн нийт ашиг 2021 оны эхний хагас жилд 8.37 тэрбум төгрөг байсан бол энэ оны эхний хагас жилд 11.40 тэрбум төгрөг болж, 36.2 хувиар нэмэгджээ.

• Татварын өмнөх ашиг өнгөрсөн оны мөн үеэс 63.8 хувиар өсөж, 3.20 тэрбум төгрөг болсон бол компанийн цэвэр ашиг мөн 62.9 хувиар өсөж, 2.83 тэрбум төгрөгт хүрсэн байна.

• Нийт 3.59 тэрбум төгрөгийн татвар хураамжийг улсын төсөвт төвлөрүүлжээ.

• “Талх чихэр” ХК нь талх, талхан бүтээгдэхүүнийг 24 цаг тасралтгүй үйлдвэрлэх 6 шугам, нарийн боов үйлдвэрлэлийн 4 шугам, жигнэмэг, чихрийн шугам болон “Хотол” бялууны үйлдвэртэйгээр үйл ажиллагаагаа явуулж байна.

Компанийн санхүүгийн тайланг энд дарж үзнэ үү. 

Компанийн үйл ажиллагааны тайланг энд дарж үзнэ үү. 

МОНГОЛЫН ХӨРӨНГИЙН БИРЖ