2022 оны 12 дугаар сарын 8-ны өдөр энгийн арилжаагаар 34 хувьцаат компанийн 192,410,531 төгрөгийн үнийн дүн бүхий 536,319 ширхэг хувьцаа арилжаалагдсанаас 19 компанийн хувьцааны ханш өсөж, 13 компанийн хувьцааны ханш буурсан бол 2 компанийн ханш тогтвортой байлаа. Үүнээс "Ард санхүүгийн нэгдэл" ХК (AARD +14.96%),  "Түшиг Уул" ХК (TUS +14.38%) болон "Хөх ган" ХК (HGN +6.00%) зэрэг компаниудын хувьцааны ханш хамгийн өндөр өсөлттэй байсан бол "Хишиг уул" ХК (HSX -12.83%), "Улсын их дэлгүүр" ХК (UID -10.26%) болон "Э-Транс ложистикс" XК (ETR -3.70%)-ийн хувьцаа хамгийн их уналттай байлаа.

Өнөөдрийн арилжаагаар хөрөнгө оруулалтын 2 сангийн 17,650 ширхэг нэгж эрхийг 10,494,721 төгрөгөөр арилжааллаа. Мөн компанийн бондын хоёрдогч зах зээлийн арилжаагаар 2 ширхэг бондыг 190,000 төгрөгөөр, багцын арилжаагаар 12,122 ширхэг үнэт цаасыг 15,516,160 төгрөгөөр арилжааллаа.

ТOP-20 индекс 0.99 хувиар буурч,  35,125 нэгжид хүрсэн бол зах зээлийн үнэлгээ 5,523,863,229,915 төгрөг боллоо. 

Арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ