“Монголын хөрөнгийн бирж” ТӨХК-ийн олон нийтэд санал болгон нэмж гаргаж буй нэг бүр нь 100 төгрөгийн нэрлэсэн үнэ бүхий нийт 119,157,603 ширхэг хувьцааг олон нийтэд санал болгож нийт 11.9 тэрбум төгрөгийг татан төвлөрүүлэхээр төлөвлөж байгаа бөгөөд энэхүү хувьцааны анхдагч зах зээлийн арилжааны захиалгыг 2022 оны 12 дугаар сарын 26-ны өдрөөс эхлэн 2022 оны 12 дугаар сарын 30-ны өдрийн 10:00-17:00 цагийн хооронд бүх үнэт цаасны компаниудаар дамжуулан хүлээн авна.

Түүнчлэн иргэд, хөрөнгө оруулагч та бүхэн “Төрийн болон орон нутгийн өмчийн тухай хууль”-ийн 56 дугаар зүйлийн 5, 6 дах заалт, “Үнэт цаасны зах зээлийн тухай хууль”-ийн 4.1.29 дэх заалт, Санхүүгийн зохицуулах хорооны “Төрийн болон орон нутгийн өмчит нээлттэй хувьцаат компанийн хувьцааг эзэмшихтэй холбоотой хуульд заасан шалгуурыг мөрдүүлэх, хяналт тавих журам”-тай сайтар танилцаж өөрийн харилцдаг брокер дилерийн компанитай холбогдож үнэт цаас авах захиалгаа өгнө үү.    

МОНГОЛЫН ХӨРӨНГИЙН БИРЖ