Монголын хөрөнгийн биржээс “Үнэт цаасны зах зээлийн тухай” хуулийг хэрэгжүүлэх ажлын хүрээнд валютын фьючерс, опцион гэрээний арилжааг нэвтрүүлэхээр ажиллаж байна. 

Энэхүү ажлын хүрээнд Төрийн өмчит зарим компаниудын санхүүгийн эрсдэлийн удирдлагыг сайжруулах чиглэлээр “Монгол Шуудан” ТӨХК-д валютын фьючерсийн гэрээний үндсэн ойлголт, түүний туршилтын арилжаанд хэрхэн оролцох талаар танилцуулга хийлээ. 

Туршилтын хугацаанд иргэд, аж ахуйн нэгж, компани болон төрийн өмчит зарим компаниудыг валютын фьючерсийн гэрээний арилжаанд оруулсанаар компаниудад валютын ханшийн эрсдэлээс хамгаалах, ирээдүйн мөнгөн урсгалаа тодорхойлох боломжийг таниулах чухал ач холбогдолтой юм. 

 

 

Мэдээллийн алба

МОНГОЛЫН ХӨРӨНГИЙН БИРЖ