“Монголын хөрөнгийн бирж” ХК-ийн 1-р ангилалд бүртгэлтэй “МАНДАЛ ДААТГАЛ” ХК-ийн Санхүү хариуцсан захирал А.Долгорсүрэн 08 дугаар сарын 16-ны өдөр 2023 оны эхний хагас жилийн үйл ажиллагааны тайлан, санхүүгийн үр дүнгээ танилцууллаа.

• “Мандал Даатгал” ХК нь 2023 оны эхний хагас жилийн байдлаар 28.1 тэрбум төгрөгийн хураамжийн орлого төвлөрүүлэн, өмнөх оны мөн үеэс 26%-ийн өсөлттэй ажиллаа.

• Нийт хөрөнгө 72.1 тэрбум төгрөгөөс давж, цэвэр ашиг 1.7 тэрбум төгрөгт хүрлээ.

Онцлох үйл явдал:

• 2022 оны жилийн эцсийн санхүүгийн тайланг олон улсын аудитын фирм болох Пи Кэй Эф Монголиа аудит баталгаажуулсан.

• Нийгмийн хариуцлагын хүрээнд “50 хүний амь аврах” төслийг 2023 онд дахин амжилттай хэрэгжүүлж байна.

• Нийтийн санхүүгийн боловсролыг дэмжих зорилгоор зохион байгуулж буй “Next Leadership”, “Management Forum” болон “Investment expo”-г энэ оны 03, 04 дүгээр саруудад амжилттай зохион байгууллаа.

• 2023 оны 04 дүгээр сард “Investment expo” болон хувьцаа эзэмшигчдийн хурлаа зохион байгуулсан.

• Цахим даатгалыг дэмжиж, нөхөн төлбөр олголтын хувийг 94%-д хүргэж, үерийн гамшгийн үеийн хохирлыг 100% олгосон болно.

Дэлгэрэнгүй тайлантай энд дарж танилцана уу.

Шууд дамжуулалтыг эндээс хүлээн авч үзнэ үү.

МОНГОЛЫН ХӨРӨНГИЙН БИРЖ