“Монголын хөрөнгийн бирж” ХК-ийн 1-р ангилалд бүртгэлтэй “Төрийн банк” ХК-ийн Хөрөнгө зохицуулалтын газрын захирал Д.Жадамбаа өнөөдөр /2023-08-18/ компанийн 2023 оны эхний хагас жилийн үйл ажиллагааны тайлан, санхүүгийн үр дүнгээ олон нийтэд нээлттэй танилцууллаа.

Тайлант хугацаанд:

• Төрийн банк ХК-ийн 2023 оны эхний хагас жилийн байдлаарх татварын дараах цэвэр ашиг нь 42.1 тэрбум төгрөг,  нийт актив 4 их наяд төгрөг байгаа ба сүүлийн гурван жил зах, зээл эзлэлт, нийт активаа дунджаар 8.1 хувиар нэмэгдүүлсэн.

• Төрийн банкны 2023 оны “Бизнес төлөвлөгөө”-нд стратегийн тэргүүлэх 3 чиглэлийн дагуу зорилтууд дэвшүүлсэн ба 2023 оны 6 дугаар сарын 30-ний байдлаар явцын гүйцэтгэл 66.4% байна.

Онцлох үйл явдлууд:

• Хувьцаа эзэмшигчдийн ээлжит хурлыг хүчин төгөлдөр зохион байгуулж, хурлаар  нэмж хувьцаа гарган олон нийтэд санал болгох тухай шийдвэрлэлээ.

• 2022 онд олон нийтээс татан төвлөрүүлсэн хөрөнгийг тогтвортой хөгжил, дундаж давхаргад чиглэсэн бүтээгдэхүүнд бүрэн зарцуулсан.

• 2022 оны татварын дараах цэвэр ашгийн 50% буюу 48.1 тэрбум төгрөгийг /нэгж хувьцаанд 63.68 төгрөг/ ногдол ашиг болгон хуваарилахаар шийдвэрлэсэн ба “Үнэт Цаасны Төвлөрсөн Хадгаламжийн Төв" ХХК-иар дамжуулж 2023 оны 04 сарын 28-ны өдөр ногдол ашиг олголоо.

• Cargill Financial Services International, Inc-аас гадаад худалдааг дэмжих хүрээнд 25 сая ам.долларын эх үүсвэрийг амжилттай татлаа.

• Цалингийн цахим зээлийг нийт ажилчдадаа нэвтрүүллээ.

• 2023 оны ээлжит PCI-DSS стандарт хангуулах аудитыг хийж, эрхээ сунгалаа.

• Харилцагчийн мэдээллийн төвийн 1800-1881-ийн хэмжээнд СRM системийг туршиж амжилттай нэвтрүүллээ. 

Дэлгэрэнгүй тайлантай энд дарж танилцана уу.

Шууд дамжуулалтыг эндээс хүлээн авч үзнэ үү.

МОНГОЛЫН ХӨРӨНГИЙН БИРЖ