“Монголын хөрөнгийн бирж” ХК-ийн хамт олон өнөөдөр /2023-10-13/ “Тэрбум мод” үндэсний хөдөлгөөний хүрээнд Сонгинохайрхан дүүрэгт байрлах “Инчьеон Мөрөөдлийн төгөл”-д өнгөрсөн хавар тарьж ургуулсан шар хуайс, нарс зэрэг моддоо эргэж арчлан, шинээр 70 суулгацыг нэмж тарилаа. 

Монгол Улсын Ерөнхийлөгч У.Хүрэлсүхийн санаачилгаар дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалах, нэмэгдүүлэх, экологийн тэнцвэрт байдлыг хадгалахад хувь нэмэр оруулах зорилгоор “Тэрбум мод” үндэсний хөдөлгөөн эхэлсэн.

Манай хамт олон нийгмийн хариуцлагын хүрээнд жил бүрийн хавар, намрын улиралд мод арчлах, тарих үйл ажиллагааг тогтмолжуулан ажиллаж байна.

МОНГОЛЫН ХӨРӨНГИЙН БИРЖ