Их Британи, Умард Ирландын Нэгдсэн Вант Улс (ИБУИНВУ)-ын парламентын гишүүн, Эрүүл мэндийн сайд асан хуульч, хөрөнгө оруулагч Жералд Малон Монголын хөрөнгийн бирж /МХБ/-д зочиллоо. 

Уулзалтын үеэр МХБ-ийн Гүйцэтгэх захирал Х.Алтай хөрөнгийн зах зээлийн болон уул уурхайн бүтээгдэхүүний зах зээлийн сүүлийн үеийн нөхцөл байдал болоод хөрөнгийн зах зээлд хөрөнгө оруулах боломжийн талаар танилцуулж, цаашдын хөгжлийн талаар санал солилцлоо.

Ноён Жералд Малон нь 1983-1997 онуудад ИБУИНВУ-ын парламентийн гишүүн, Эрүүл мэндийн сайдын албан тушаалыг тус тус хашиж байсан бөгөөд 1997 оноос хойш АНУ болон Их Британийн санхүү, эрүүл мэнд, мэдээлэл технологи, эрчим хүчний салбарт хөрөнгө оруулалт хийж, 2001 оноос АНУ-ын Aberdeen Asia-Pacific Income Fund гэх тогтмол орлоготой санхүүгийн хэрэгслийн хөрөнгө оруулалтын сангийн ТУЗ-ийн гишүүнээр, 2005 оноос ТУЗ-ийн даргаар ажиллаж эхэлсэн.

Мөн АНУ-ын хамтын хаалттай болон нээлттэй хөрөнгө оруулалтын 5 сангийн ТУЗ-ийн дарга, Канадын хамтын хаалттай хөрөнгө оруулалтын сангийн ТУЗ-ийн гишүүн болон Вашингтонд төвтэй Хамтын сангуудын Захирлуудын Форумын даргаар ажилладаг ажээ.

МОНГОЛЫН ХӨРӨНГИЙН БИРЖ