“Монголын хөрөнгийн бирж” ХК-иас зохион байгуулдаг “Үнэт цаасны зах зээлийн анхан шатны мэдлэг олгох сургалтын 12 дугаар сарын хөтөлбөр өндөрлөлөө.

Энэ удаагийн сургалт 2023 оны гурав дахь хөтөлбөр бөгөөд 14 суралцагч 12 багц хичээлд хамрагдан өнөөдөр /2023-12-13/ сертификатаа гардан авсан юм.

“Монголын хөрөнгийн бирж” ХК-ийн Бизнес хөгжлийн газрын захирал Т.Хаш-Эрдэнэ хэлсэн үгэндээ:

“30 гаруй жилийн түүхтэй Монголын хөрөнгийн бирж хүртээмжтэй хөрөнгийн зах зээлийг хөгжүүлэх зорилгодоо тулгуурлан 2005 оноос энэхүү сургалтыг зохион байгуулж ирсэн.

Тус сургалтаар хөрөнгийн зах зээлд ажиллах мэргэжлийн боловсон хүчний эрэлт, хэрэгцээг хангах, олон нийтэд үнэт цаасны зах зээлийн мэдлэг олгох замаар салбарын хөгжилд тодорхой хувь нэмэр оруулах зорилготой. Энэ удаагийн сургалтад идэвхтэй хамрагдан, үнэт цаасны зах зээлийн анхан шатны мэдлэгээ баяжуулсан та бүхэнд баяр хүргэж, амжилт хүсье” гээд суралцагчдад сертификатыг гардууллаа.

МОНГОЛЫН ХӨРӨНГИЙН БИРЖ