2024 оны 01 дүгээр сарын 10-ны өдөр энгийн арилжаагаар 48 хувьцаат компанийн 353,483,486 төгрөгийн үнийн дүн бүхий 644,910 ширхэг хувьцаа арилжаалагдсанаас 14 компанийн хувьцааны ханш өсч, 30 компанийн хувьцааны ханш буурсан бол 4 компанийн ханш тогтвортой байлаа.

Үүнээс Хэрлэн Хивс ХК (HRL +15.00%), Хөвсгөл ХК (HVL +15.00%), Махимпекс ХК (MMX +3.21%) зэрэг компаниудын хувьцааны ханш хамгийн өндөр өсөлттэй байсан бол Хишиг уул ХК (HSX -15.00%), Монгол савхи ХК (UYN -14.41%), Хот девелопмент ХК (SDT -13.04%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 12,938 ширхэг нэгж эрх 7,912,383 төгрөгөөр арилжигдсан байна.

Уул уурхайн бүтээгдэхүүний арилжаагаар:

• “Энержи Ресурс” ХХК-ийн 2 багц 12,800 тонн баяжуулсан коксжих нүүрс 17,024,000 юань буюу 8,108,360,960 төгрөгөөр,

• “Монголросцветмет” ТӨҮГ-ын 1 багц 3,300 тонн 65%-ийн агууламжтай төмрийн баяжмал 382,800 ам.доллар буюу 1,305,114,492 төгрөгөөр,

• “Монголросцветмет” ТӨҮГ-ын 1 багц 3,300 тонн 65%-ийн агууламжтай төмрийн баяжмал 382,800 ам.доллар буюу 1,305,114,492 төгрөгөөр тус тус арилжаалагдлаа.

Энэ өдөр нийт 11,079,985,813 төгрөгийн үнийн дүн бүхий арилжаа зохион байгуулав.

ТOП-20 индекс 1.8% хувиар буурч, 41,449.17 нэгж болсон бол зах зээлийн үнэлгээ 11,143,942,903,770 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү.

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ