2024 оны 01 дүгээр сарын 24-ний өдөр энгийн арилжаагаар 45 хувьцаат компанийн 163,066,431 төгрөгийн үнийн дүн бүхий 434,331 ширхэг хувьцаа арилжаалагдсанаас 21 компанийн хувьцааны ханш өсч, 21 компанийн хувьцааны ханш буурсан бол 3 компанийн ханш тогтвортой байлаа.

Үүнээс Тав ХК (TAV +15.00%), Хай би ойл ХК (HBO +7.92%), УБ-БҮК ХК (BUK +4.72%) зэрэг компаниудын хувьцааны ханш хамгийн өндөр өсөлттэй байсан бол Материалимпекс ХК (MIE -12.09%), Бодь Даатгал ХК (BODI -11.65%), Тандэм инвэст ББСБ ХК (VIK -9.95% )-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 11,990 ширхэг нэгж эрх 4,535,477 төгрөгөөр,

• Компанийн бондын хоёрдогч зах зээлийн арилжаагаар 20 ширхэг бонд 1,998,200 төгрөгөөр тус тус арилжигдсан байна.

Уул уурхайн бүтээгдэхүүний арилжаагаар:

• “Энержи Ресурс” ХХК-ийн 2 багц 12,800 тонн баяжуулсан коксжих нүүрс 17,536,000 юань буюу  8,331,178,240 төгрөгөөр,

• “Монголросцветмет” ТӨҮГ-ын 1 багц 3,300 тонн 52%-ийн агууламжтай төмрийн хүдэр 247,500 ам.доллар буюу 843,190,425 төгрөгөөр,

• “Монголросцветмет” ТӨҮГ-ын 1 багц 3,300 тонн 65%-ийн агууламжтай төмрийн баяжмал 346,500 ам.доллар буюу 1,180,466,595 төгрөгөөр тус тус арилжаалагдлаа.

Энэ өдөр нийт 10,524,435,368 төгрөгийн үнийн дүн бүхий арилжаа зохион байгуулав.

ТOП-20 индекс 0.55% хувиар буурч, 40,717.94 нэгж болсон бол зах зээлийн үнэлгээ 11,060,783,006,243 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү.

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ