"Монголын хөрөнгийн бирж" ХК-ийн Гүйцэтгэх захирлын үүргийн түр орлон гүйцэтгэгч Ж.Цогтбаяр, Бизнес хөгжлийн газрын захирал Т.Хаш-Эрдэнэ, Үйл ажиллагааны газрын захирал И.Жавхлан нар өнөөдөр /2024.03.20/ Олон улсын валютын сангийн зөвлөх Лорена Риверо дель Пасо болон эксперт Сорана Бациу нарыг хүлээн авч уулзлаа.

Уулзалтаар хөрөнгийн зах зээлийн өнөөгийн байдал, зах зээлийн цаашдын чиг хандлагын тухай болон төрийн өмчит компаниудын хувьчлал, төсвийн эрсдэл, гадаадын хөрөнгө оруулалтын талаар харилцан санал солилцсон. Мөн системийн нөлөө бүхий банкуудын IPO, Монголын хөрөнгийн биржийн IPO, үр дүнгийн талаар онцлон ярилцлаа.

Төгсгөлд нь албаны төлөөлөгчид биржийн музейд зочилж, байгууллагын түүхэн хөгжлийг харуулсан үзмэрүүдтэй танилцсан юм.

МОНГОЛЫН ХӨРӨНГИЙН БИРЖ